1.深深的戀情
深深的戀情 不止千萬千
心心相愛順其自然 何必海誓山盟
無論有緣也無緣 不管有什麼轉變
心愛的心愛的 心心永牽連
無限的關懷 不止千萬擺
互相鼓勵互相瞭解 只要情深似海
不驚平地起風颱 不驚有什麼阻礙
心愛的心愛的 期待好將來
不驚平地起風颱 不驚有什麼阻礙
心愛的心愛的 期待好將來
2.最後的談判
作詞：黃敏
作曲：黃敏
我 我不願甲你分開 不願甲你拆分開
因為我一切全部獻給你 因為我太愛你
我 我不是假情假義 我是真心對待你
到現在你來提議要分開 到底是什代誌
你 你應該對我表明 到底為著什原因
你害我每日心情袂安定 你害我心頭凝
你 你敢是真正決心 想要甲我斷了情
我為你無惜一切來犧牲 你應該會分明
我 我請你最後一次 擱再甲我講看覓
我懷疑有人替你塊安排 是什人來阻礙
我 我知影你也每日抱著痛苦在心內
希望你相信我的真情愛 不驚人來阻礙
3.假情假愛
作詞：王瑞河
男性一條生命 親像掛在一條線
為前途立志成名 為著愛情賭生命
浮世的假情假愛 浮世的假情假愛 輾轉到何時
總是也有一日 人人都會歸西天
今朝的你若名花 也是難免會毀去
不免哭無情的人 不免哭無情的人 明日在目前
男兒靠有志氣 有情有義是女兒
若會的照人心願 若會拋棄做男兒
我也會為情賭命 我也會為情賭命 為情拼到死
4.戀歌
作詞：愁人
作曲：佚名
思戀你 思戀你呀
你我離別三年啦
昨暝的夢猶原也是你的夢
港邊的海鳥那會打醒阮美夢
啼哭聲音悲哀
會乎人心內憂悶
你的影浮在目前
引我相思哮歸暝
不時來看海水 想著你的人
天頂的月娘那會照入阮心內
希望你傳給我
會得知影你心內
我的心想要飛去
你的身邊見一面
夜夜會過長暝 也是為著你
只有你一人才會乎我心平安
等何時會相會
會得甲你再相會
5.晚風
山風涼 夜花香 引我想起所愛的人
昔日甜蜜情難放 孤單站在西樓窗
看到蝴蝶相希弄 滿山春色那麼迷人
見景傷情目眶紅 何時才到我的夢
秋風吹 山花盞 引我想起伊一人
孤單走到小街巷 燈火暗冷淡
忍耐一切的苦痛 過去的情意一重又一重
當作美麗的美夢 過去當作一場夢
雖然過去情意重 只好看破咱的情夢
寄託將來的希望 過去當作是一場夢。
6.女性的復仇
演唱：文英
(唱)明知伊是薄情君 一瞑想伊到天光
恨伊將阮來放斷 天光想伊到瞑方
啊～愛情過了 煞來變成恨
(男)麗蘭，實在對你真不住！我下暗無甲你來離別是未用呢。
(女)啊？欲甲我來離開？文成，這是怎樣講咧？
(男)唉...這也是不得已。事已經迫在眼前。
因為我故鄉的老父欲強逼我倒轉去。我...
(女)什麼？文成！這是怎樣講？
你講的話，我全然未分明...
(男)啊...這款的話我是真無愛對你講。
麗蘭，妳得愛來赦免我！我已經是...是有某子的人...
(女)什麼？你已經是有某子的人！啊！這...這甘不是眠夢哩？
(唱)明知愛情是神聖 當初不願來犧牲
甜言蜜語假真情 阮才為伊變不幸
啊～這款惡魔 絕對會報應
(男)麗蘭，咱已經離開了三年囉...
今仔日我來這個酒場，是專工來找妳。
請妳一切來赦免我！因為我事業來失敗，某子煞來死...
(女)哼！你也擱有彼個面通來見我？！
我的一生為你這個惡魔來破壞，
在這三年來我不知樣受了外多的苦楚，
而且不知樣有外多的男性被我來受克虧。
今仔日我來這個酒場做著煙花女，雖然是為著生活，
不過，我的希望是欲來替天下的女性來復仇的啦！
你沒必來要見我！請你無通來延前著我的時間！！
(男)ㄝ？麗蘭，請妳來赦免我！
妳會來變成這款完全是我的罪惡...麗蘭，請等咧！
麗蘭、麗蘭，請等咧！麗蘭，請等咧！
啊...妳去啊是無？
(唱)男性採花無想後 一旦採了沒回頭
日子經過三年後 阮才甲伊相會頭
啊～滿腹仇恨 今日一齊透
7.越山嶺
作詞：潛生
作曲：日本曲
男聲：葉啟田
男：牧童吹蕭趕羊群 山頂近黃昏
女：孤燕又是飛倒返來 山林要休息
男：只有阮孤單一個 天涯在飄浪
女：一夢醒來在馬上 感覺晚風涼
男：yahoo 女：yahoo 男：yahoo 女：yahoo
男：天色清清攏無雲 五月日頭長
女：一隻孤鳥呆在樹頂 親像在叫阮
男：一時引起阮心酸 跑過了山崙
女：忽然想著阮故鄉 遠嘎千里遠
男：yahoo 女：yahoo 男：yahoo 女：yahoo
男：天頂自然的石洞 四邊好風光
女：一莊過了又是彼莊 沿路心爽朗
男：阮是飄浪又飄浪到底向何方
女：想著愛人的笑容 不覺心茫茫
男：yahoo 女：yahoo 男：yahoo 女：yahoo
8.最後的出航
1
莎喲哪啦心愛的人
你我離別在港口
那是來想咱情愛
珠淚也忍袜住
啊~
心愛的人
請你著要保重喲
2
莎喲哪啦心愛的人
船隻就要離開去
暗暗來擦著眼淚
祈禱你的平安
啊~
心愛的人
請你著要保重喲
3
莎喲哪啦心愛的人
勇敢為國來打拼
爭取著光榮返來
我永遠是你的
啊~
心愛的人
請你著要保重喲
9.厚臉皮
大漢阿姐做著新娘頭殼黎黎 講要嫁给隔壁庄的少年家
阮看囉真趣味想要來去嫁 最可惜無人要娶這款小妹妹
烏鴉對阮嘎雀鳥仔對阮啾 親像笑阮親像塊笑阮
唉~唉~那會這呢厚面皮
鑼鼓八音叮叮噹噹人圍真多 惦在門外交頭接耳講什貨
一定是看新娘妝甲真美麗 最可惜阮還细漢人看無目地
烏鴉對阮嘎雀鳥仔對阮啾 親像笑阮親像塊块笑阮
唉~唉~那會這呢厚面皮
大漢阿姐坐在花轎頭殼黎黎 炮仔聲來送伊要去四界遶
對面的好哥哥也無來相找 最可惜放阮一人惦在厝内坐
烏鴉對阮嘎雀鳥仔對阮啾 親像笑阮親像塊笑阮
唉~唉~那會這呢厚面皮
10.十八姑娘一朵花
十八的姑娘一朵花 一朵花
眉毛彎彎眼睛大 眼睛大
紅紅的嘴唇雪白牙 雪白牙
粉粉的笑臉 粉粉笑臉賽晚霞
啊姑娘十八一朵花 一朵花
十八的姑娘一朵花 一朵花
每個男人都想她 都想她
沒錢的小伙兒她不愛 她不愛
有錢的老頭兒 有錢老頭兒她不想
啊姑娘十八一朵花 一朵花
十八的姑娘一朵花 一朵花
美麗青春好年華 好年華
姑娘長大不可留 不可留
留來留去 留來留去成冤家
啊姑娘十八一朵花 一朵花
11.港邊相思曲
夜港邊夜風凄冷 給阮行到心暗茫
聽見著夜鶯啼哭 加添阮傷悲
今夜來看破著阮 彼時雙人的情份
雖然是明知未得 擱再見著伊一面
為怎樣偏偏走到 初戀的港邊
甘蜜的一場美夢 過了留著心傷痕
可憐的我的戀夢 隨波流盡去
每日來思念著伊 一去無返彼個人
夜夜來孤單徘徊 初戀這個夜港邊
夜鶯你敢未艱苦 為我的初戀
思念伊思念伊呀 流者珠淚要離開
悲哀的初戀港邊 從此再會啦
一切來當做過去 我來行著我的路
悽慘的運命總是 全部歸在我身上
夜港邊只有留著 可憐的戀夢
12.孽緣
這是咱無緣
不是你我無情
咱雙人也犧牲
偏偏抹凍來結成
為什麼為什麼為什麼你
為什麼為什麼為什麼我
那會即不幸
孽緣你我孽緣
淒慘的情景
迫在咱的眼前
心頭凝冷冰冰
偏偏無人來同情
為什麼為什麼為什麼你
為什麼為什麼為什麼我
那會即不幸
孽緣你我孽緣
恨命莫怨天
你我這世無緣
情已斷愛已遷
偏偏情絲牽相連
為什麼為什麼為什麼你
為什麼為什麼為什麼我
那會即不幸
孽緣你我孽緣
13.放浪人生
作詞：葉俊麟
作曲：葉俊麟
身邊有你情話甘甜 留戀放未離
煙酒香味迷魂助氣 更加心不死
春風微微 吹入窗邊 茫茫不知時
啊 醉生夢死 青春枉然為你去
放捨家庭放浪成性 為你來犧牲
霜風寒冷月色無明 破壞我前程
想要反省 挽救半生 棄邪來歸正
啊 浪子苦情 到底誰人會分明
黃昏那到愈想愈惱 心情亂操操
路邊野草也要等候 春天露水厚
人生快老 青春年少 應該好透流
啊 時機到了 浪子就緊好回頭
14.淡水暮色
作詞：葉俊麟
作曲：洪一峰
編曲：余大豪
日頭將欲沉落西 水面染五彩
男女老幼在等待 漁船倒返來
桃色樓窗門半開 琴聲訴悲哀
啊. . .幽怨的 心情無人知
朦朧月色白光線 浮出紗帽山
河流水影色變換 海風陣陣寒
一隻小鳥找無伴 歇在船頭岸
啊. . .美妙的 啼叫動心肝
淡水黃昏帶詩意 夜霧罩四鞭
教堂鐘聲心空虛 響對海面去
埔頂燈光真稀微 閃閃像天星
啊. . .難忘的 情景引心悲
| 
-方瑞娥二十年來最暢銷台語精選專輯1.jpg)